新聞

呢排既新聞都好奇怪(?)
先有無頭無前臂男童浮屍,除左第一日新聞有講外,直到依家都無再任何消息跟進,但係點諗都覺得好心寒,好難想像對一個小朋友點落得手.希望可以盡快有結果;

13歲女童濫藥橫死,響高登,見到唔少意見都係一句起兩句止,但係好遺憾,響好多人眼都會覺得佢:咁細個落D,早死早著,少個MK等等.無錯,佢係真係好錯,自己不知自愛,但係同時我又諗,點解唔返屋企父母唔會阻止?再睇返新聞,單親家庭.誤交損友,之前響學校都係乖乖女,點解會搞成咁?責任又係咪真係只係響一個腦筍都未生齊既0靚女身上?講到呢到令我諗返起一套戲,叫做<>*,一套好寫實既戲,亦令我諗起過去既自己(唔好誤會,我唔係話我都試過壞成咁)
*註:http://www.imdb.com/title/tt0328538/
但係13歲,唔大唔細既年齡,點解佢亞媽唔做多d野?點解佢學校/佢身邊既人唔行多步?依家佢連再返轉頭既機會都無,唔好以為係一個單一既個案,社會惡果循環,去到再下一代,個社會會變成點?我唔敢諗落去. 無獨偶有,響第二日,我發現左一位舊朋友既xanga,記得佢f.2比人踢左出校後一直無再見過佢,估唔到當日響我眼中只係貪玩,少不更事既佢,今日已經變左晚晚落D TAKE DRUGS既MK妹.好震撼,一向知道好多呢種人,但係我真係無諗過曾經同自己相熟既"朋友"會變到咁,希望佢快D醒返,我怕有日見到響報紙上既主角會係佢.大個女,為自己將來諗下.
不過,亦都係因為我見得太多呢D例子,我會更加努力去完成我對社會既責任.

小巴撞單車,兩個15歲青少年死左,事後小巴driver係驗到酒精超標,我睇到真係好想大叫:有無搞錯?
2個少年既屋企人有幾傷心我真係感受到,自己醉駕害死兩個仲有大把日子要過既小朋友,因住最尾果兩年.渣小巴,唔單止要玩自己條命,仲有坐響小既上面既乘客,真係不知所謂

仲有係以黎方面,今日又岩岩有消息,以色列今日最少炸死左黎巴嫩平民小童37人,根本目標係平民,仲要死幾多人?簡直天理不容,美國/以色列至係邪惡軸心,最令人嘔心係打住正義旗幟去入侵人地國家,殺害人地國民,911死既係"人",而響黎巴嫩/巴勒斯坦都只係一堆"數字"?新聞媒體有無做到佢地應有既責任?問個天先知.