released

不只他們,還有香港的朋友.....


今天猶豫左好耐,到底去唔去送機好,由於尋晚有少少醉酒既跡象,所以成晚都訓唔到!響到諗左好多野......尋晚因為亞媽不停催我既關係,我好早就返左屋企(相對地早:o)),尋晚食果間韓國野好貴,一個冷面都要$9x(唔記得邊個話我知!).....不過都係因為唔多野食既關係,大家都係響到飲酒,佢地都係咁叫我要慢慢飲,哈哈哈.....

響我飲左幾杯之後我都知自己唔係太得,於是係咁飲茶,免得返到屋企亞媽又"哦",響我好清醒既時候,大律師潘潘[:o)]就飲醉左,係咁叫heidie飲...最尾都係我頂晒,heidie you should know how important you are(FOR ME)...haha


i talked to young soo for a long time yesterday night...and i cried eveytime when i chatted with him...i love you young soo!!

唉,我依家唔敢用英文打
好差:o)

高登改圖?

bae

bae...哈哈...
今日我走前bae錫左我一啖....哈哈


toilet...喊左好多次...

kim....

謝謝你們

與你們一起的回憶...
夠我回味一生.....

瞬間

響我打開眼果一陣間,真係估唔到見到既會係你,我真係好感動....但同時亦都好心痛....

過去果7個月,我都以為自己已經淡忙左呢件事帶比我既傷害,但原來唔係,心痛既感覺仲好強烈....


我真係好愛你...

蘊釀中

千其唔好係呀!


好驚好驚

楊啟東唔好再亂講野
如果唔係我會疏遠你:o)

stay a little longer

好耐都無打blog既意慾...

不過因為今日又眼光光,所以太無聊下我都係打下blog.
(同人傾計又唔知可以傾咩好,所以都係自自閉閉打下blog算)

其實轉blog名,好大原因係因為之前放過響icq,唔知有咩人會睇,所以把心一橫轉左佢!至少之後都係會得我知既人會睇,哈哈.近排自從佢地走左之後個人真係好"吽?",我亦都趁呢個機會可以陪下亞媽,因為都真係好難得佢會得閒.....

過去果8個月,真係將我成個屋企改變晒,我真係有諗過點樣去報復,因為呢個世界既唔公平,令到我屋企咁,個個既心理壓力都好大,真係好辛苦,我唔會比害我地既人好過,唉.....不過我又真係好無能為力....因為果一個"仆街"既唔小心,累到我屋企呾痛苦,我信佢會有報應,希望響我有生之年會睇到!
(唔駛問我果件事係咩,知既人會知.....:( )

--------------------------------------------------

講返d開心既野,我頭先打左比昌俊,我唔記得korea果邊係快hk一個鐘,打過去果時佢果邊都12點幾喇!佢都訓左喇!我同佢up左陣野就收左線喇!其實只係大家又響到各講各,我係唔知點溝通到同佢講cantonese:o),到最後我就同佢講左"sa lang hae yo",就byebye喇,哈哈!雖然係一個好短既對話,但係我已經好開心!

我諗,同佢地一齊既時間.係卵唯一可以逃避既時間....

突然間諗起亞媽叫我去睇心理醫生,其實上次件事發生後.....個社工都係咁打黎叫我去見佢...
不過我好似無聽佢電話:o)

我諗我屋企有其他人更有需要去睇....


好累,真係要好好溫下法文喇!

哈哈

不停有人同我講:喂,你個日記去唔到既?!

平時我都以為無咩人睇,今次"一試便知龍與鳳"了
回港後去左pageone買書...
korean+french workbook

好窮

回復正常

我唔可以因為呢d野唔開心咁耐...
我仲有好多野要去做....


!!!!!!!!!!!!!!!!!!!!!!!

日思夜想既戰友
你地快d返黎啦!

家

以"家"為中心?
坦白講,我愛我屋企人,但係我鐘意返一個"屋企",而唔係一間"屋"

父母搵咁多錢做乜野?
為仔女!

係,錢係為仔女留,
但係我真係好累喇!

咁多年都係自己大

錢/我緊要d?

我諗我真係既自毀傾向又出返黎
不過我唔會再好似以前咁...... :.(

It says: home is where your heart is,

But what a shame,'Cause everyone's heart,

Doesn't beat the same,

We're beating out of time

organic farm

心情好了點沒有?

打了比Young Soo,老實說,心情真的好了不少...

好掛住你地呀!




下午開會
如果真的有任何問題
我會用不成功便成仁的方法

大家加油了

people united,never be defeated

作戰!(請以韓文讀出兩字!)

和你們一起的日子,一點一滴在心內

*陳豪,得你有我diary,我都唔怕show個樣出黎喇!

轉左個blog名

我諗無人會知點入黎喇卦:o)
講人壞話都可以大聲d呀!:o)



累死,家駿竟然send email比我,好驚訝!

將不可能變成可能

唯一方法係發夢

返到屋企,一樣係咁平靜....

喊唔出既感覺真係好辛苦
發夢見到佢地,但係係咩事我就唔記得左喇

仲有發夢greenday黎左hk:o)

訓左十幾個鐘,
好耐未試過咁....

struggle

23/3
佢地都黎左香港大約一個月喇，點解要拖咁耐？
佢地想點？


好擔心

sms:o)

感情

我都係比較鐘意有感情既野

各位保重

~~~~~~~~~~完~~~~~~~~~~

"鞋抽"

唔怪得平時人地話警察只係有牌古惑他
今日我真係見識到了

yun,我支持你

花園午餐

lunch已知pak可以早走,不過佢決定等埋亞yun,真係好
公園食lunch,kim+hilda整野食比我地食,好味,行石春路....痛死左!

飯後我,金昌俊,dae up,kim,yun,pak,susanne,炯進走左去打波:o)
好勁既dae up+yun.第一次覺得pak原來可以咁man...哈哈

打完波後大家都好臭,除晒面衫入去,係又臭又眼訓:o)

後尾忍唔住走左落去同佢地傾計:young soo,昌俊,仲有婆仔叔叔
講左好多野,young soo真係好好,佢仲話我地知佢29歲先拍拖,哈哈
傾左好耐先返上去...

court後上去食粥,食完嘔副7彩....

kimmy係咁話同我睇醫生...我由一訓醒,去到訓前都係聽到佢係咁哦我睇醫生,好長氣呀kimmy媽媽!仲有呀,今日個judge發脾氣話個檢控官,我地呆晒!

３月１５日

媽媽與我：

今日準備出門口時亞媽打比我，我知道自己既態度好冷淡，因為我好介意佢上次係車到講既野，我返到屋企真係諗左好多次：”點解你唔明白我？”，我都有試過企響佢既角度去諗，但係既然佢認為我係丟佢架既，就無謂再爭辯喇！　因為上次果句說話，我一直都無咩點講野，響我去到荔枝角時亞媽打比我，問我做咩把聲沙晒，我話佢知我唔舒服，佢問我有無事，又話比我知佢都唔舒服，我淨係問左佢食左藥未......其實我好想同佢講好多野，只係唔知點開口好......直到佢問我係咪唔關心，問我係咪有d咩事，我果下企響到流眼淚，我對面個男人係咁望住我，哈哈哈，之後我就係咁同亞媽講野喇.....:o)

法院內:

同kimmy一齊入去，李柱銘今日好似唔夠態咁，好差，係咁比人兜.....過左陣我落左去之前我地（勳，韓國爸爸，圭，hong）坐過果個花園.....唔知點解突然間好唔開心，哈哈.....

果然，大家都有wto後抑鬱！

之後走人，返學，唔多想再講了，ｂｙｅ

認真

我發現我真係好憎人闖入我既世界
麻煩你，唔好煩我，我有我既生活方式



最憎人講野講d唔講d，一係你就唔好同我講
妖，好嬲

烏溪沙BBQ

韓式bbq
正
金昌俊送禮物比我
成為kpl member
哈哈
醉酒:o)
dea up同bave唱歌
韓國人全部都有唱

我的韓國爸爸

他頭上的是假髮
睇落好似好惡咁,其實佢好好人!


(呀,唔得,我好暈,遲d先貼相,bye)

１０－４

我也有韓國爸爸了！

還有６個，加油！



今日送你地走個心真係好唔捨得，但係同時亦好希望你地可以快點返到去見到你地自己既家人！
仲有呀，今日好似好多阻滯咁，先有亞婆事件，後有韓國爸爸跌wallet，好在bobo高效率，好快就幫佢地搵返，哈哈哈！


其實我用手寫低左好多，但係唔諗住到打出黎喇！


放心，我一年後會過去搵你地！
我會好乖咁學好韓文同你地傾計，哈哈，等我！




我唔會喊，我會好乖......


i love u all!

病痛

你可唔可以死遠點？:o)
唔係感冒就胃痛，仲要玩到我幾時？
我唔想再食返果d藥

第二晚的cap pic.

young soo&hung跳舞

手寫

好地地

又無啦啦同我講野
我真係好唔開心
哈哈哈



係咪我又做錯事?

電話簿

你地響電話到入我個電話係咩名？




頭先亞東送我返屋企時，我地發現原來我地係用鋪頭名相稱，
我叫佢做ｉｃｅ，佢叫左我做ｓｐｅｅｄ，哈哈哈

不知所謂

哈哈，聽到佢地既証供，其實真係好薄弱．我都唔係太擔心，但係就真係好拖黎打
好累，今日一早出左去ｉｋｅａ搵ｃａｔａｌｏｇ比亞勳，我竟然響迷路，哈哈哈，係咁響到兜路！拎左之後就拿拿臨趕左入粉嶺搵佢地，坐左好耐，比亞ｓｉｍｏｎ係咁叫我玩！仲有ｓｎａｉｌ事件，哈哈哈！

今日佢地好齊人！

之後我地出左油麻地打邊爐，夜晚佢地開會，我唔去，打打下亞ｈｕｎｇ話佢星期一走，我聽先真係有ｄ唔開心.....

我上巴士時佢地好搞笑，個個”ｂｅａｎ”咀！

說得沒錯

我只係你一個"sip"時間既朋友

(冷笑)

forum

今日去左city搞個forum，時間太短，但係要講既野太多，搞到唔拖唔水咁。
去到一路同亞ｋｉｍ坐，佢係咁同我玩，好靚呀韓國既女仔，又靚又溫柔！ 呢個就係韓國其中一個ｐａｒｔｙ既人，佢好好笑，佢地成日話佢好靚仔，其實我都有份，不過我地都係講緊事實！岩岩睇返之前我地影既相，我先發現我同佢原來係有合照架！今日得佢同young soo出左去講野，之後就到發問時間。其實今次比我想像中都多人左架喇！
一路聽我都有寫低佢地講既野， 睇返其實FTA&WTO對佢地既影響真係好大，亦都真係好過分！近排都睇左好多有關WTO既資料，哈哈，我諗我學到既野真係唔少！開完之後我地去左飯堂食野，我地食食下亞KIM又返返黎，佢SHARE左我地野黎食。

食完出左去露天地方，因為佢地班友仔要食煙。






次次見親佢地著住WTO件背心，後面果個李京海既時候，我就會諗佢地要背負住一個為左佢地而死既心情係有幾沉重，有時真係睇到個心”拿”一”拿”，仲有，尋日響到話單野可能要審好耐，果時我睇住YUAN對眼紅晒，我諗佢一定係好掛住屋企，仲有，依家係播種期，真係唔知佢返到去點算好。

其實真係，真係好多謝佢地肯返黎......


黎緊既審訊就會開始直接同去得快Ｄ，因為聽日話認到佢地既警察會直接上黎，我都好柅睇下李柱銘會點幫佢地搞。



仲有一個消息，金昌俊同梁景圭聽日就會返黎喇，我會去機場接機，救命，我連車都要BOOK埋！不過今次好平咋，４００到，佢地上次ＢＯＯＫ成８００....都唔知佢地有無格價架....


亞勳話想去睇戲，於是就帶左佢去ＡＭＣ睇喇，睇”ＳＡＤ　ＭＯＶＩＥ”，韓國戲黎，段尾大家真係溝通唔到我就叫左HEIDIE出黎，好好呀佢，我地兩個睇完都喊到死咁！我地勳響等HEIDIE期間去左食DELIFRANCE，哈哈，我同佢真係好難溝通呀！佢走左去PAGE ONE諗住買本書比我，等我明佢講咩，不過睇唔岩.....好彩咋，我真係怕佢晒錢呀！

睇完我就返左屋企，佢地兩個，就入左去，因為亞爸亞媽返左黎，於是我就好乖咁返屋企食飯喇！返到黎.....睇到老豆隻腳，個心不其然咁覺得好難過。唉，仲有因為今日睇果套戲有講關於父母既，所以睇完真係好掛住佢地，哈哈，睇完真係幾唔開心。

好喇，其實我依家等緊睇重馬架！加油呀！

哈哈，佢地兩好搞笑！



我訓陣先，一陣起身睇波！

中

忘掉被你感動卻也心跳

往後情侶一如每次所料

我愛的不少　遺憾也　

不過是 並沒法使我的心這樣跳

NONE

It says: home is where your heart is,

But what a shame,

"cause everyone's heart,

doesn't beat the same,

we're beating out of time."

又LASTDAY

終於唔駛再返SPEED
唔駛再一個人做三個人既野
唔駛再受人氣
哈哈


放工趕左入粉嶺
一上到去佢地就同我擊掌
好好笑


之後我一路行一路同勳行
我比野佢食跟住其他人響到笑
呵呵


過左灣仔
返學＋同格格飲野


好累呀

補

原來好耐之前有報紙登左封信係一個韓國人寫比佢太太同佢岩岩出世個仔既.....果個就係勳喇!真係估唔到!

抱歉

首先要響到同我5B既同學仔道一道歉，一年一次的gathering我竟無到，對唔住！



今日一起身就發燒，好辛苦。
原本今日十一點要到中環，忍唔住打比佢話我郁唔到，之後見到亞媽寫左張野比我，內容係怕我響出面唔知識埋咩人，又話我夜等等......其實我都好想話佢知我做緊咩，但係我知佢會反對，好對唔住，我無膽講你知我做緊咩，只係好想話你知，我咁大個人，好同壞我知點分，唉，我都唔知點講喇，不過，希望你明白。媽咪，其實我好愛你，我真係唔想咁！

好，入返正題，訓到兩點都係走左出中環幫手，行左好耐，上到去見到佢地，個個都好似好累咁！我到左無耐佢地就話返去烏溪沙，ｂｏｂｏ話帶路點知去到果到個車站就搬左，行咁遠走去上環搭ｍｔｒ，哈哈。一去到我就好想訓，真係好眼訓，佢地就開始煮飯，勳真係好好，佢批蘋果我食，過左陣heidie黎左！我同佢地傾計既時候heidie就做左translator喇！

食飯、飲酒

仲有，睇左亞pak響korea拍到既片，睇到我地好心up:(

好，我同kimmie一齊去學korean喇!
今日真係唔好意思，借左kimmie個老公同我傾左好耐，哈哈哈！

mini concert

今日放工就去走左去幫佢地手搬野去sogo門口，真係好頭暈，一返工就飲左4杯齋啡。同埋我又無咩食野，所以個胃真係幾唔妥！
整好晒野就過左好耐，等佢地過黎，hung&lee唱歌，好好笑，之後大家一齊跳舞！彩鳳忍唔住喊，哈哈，我好怕我地遲ｄ都會咁！今日無影相呀！
勳又搣花生比我食，佢真係太好喇對我！

兩星期的食糧

由於本人嚴重窮困關係，呢兩個星期就係靠佢地維生。

廟街之旅

好累呀今日，我一收工就出左mk幫手整野喇！整到8點，過左jardon開會，個個都好累，開會開左兩個幾鐘，開到我就黎訓著！差唔多成十一點先走得！大家都好似就死咁，但係硬係有人死唔停咁講，難委左我地喇，哈哈！

響大家都好累既時候，我影到亞pak食jacobs，佢個樣好好笑！一路開會都係用英文，我發現我都唔係聽唔明喎，其實我都唔係太差姐，哈哈哈！好開心呀，hlida同heidie都有黎，見到heidie我真係好開心！韓國既女仔真係幾靚，又幾溫柔.....

開完會之後我地行左去廟街食野，我地又係咁行行行，沿途都介紹返香港既地道文化比佢地，呀，或者講係中國文化至岩！

我地既合照，呀heidie小姐唔知行左去邊，搵左佢好耐都無所以張相係無佢既！

好搞笑，我地食瀨尿蝦時pak唔知點解要把鉸剪黎蝦頭，之後個人比左呢把野比佢，佢自己都拎住響到笑，哈哈哈....
我就忍唔住手影低左喇!



下面呢張就係亞lee，佢好好呀，我今晚同佢傾左成晚，佢講左好多野比我聽，仲有呀，佢搣蝦比我食呀！其實成晚我都懶唔搣黎食架喇，估唔到佢竟然搣比我食，成晚不停響到傾，又講左韓國警察既野，佢話左比我知佢地係點struggle！真係傾左好多野....多謝heidie全晚翻譯比我聽！如果佢唔響到我都唔知點同佢溝通喇！知道左一樣野......哈哈，笑死我同heidie，好多謝你呀！

附加：亞lee整跌左兩個樽，仲要響到話”ｅｘｃｉｔｉｎｇ！！”，真係比佢笑死，又話韓國人成日都係咁，佢叫我嫁個韓國人喎！

累，聽日又有野搞！訓

有事電我

無言

做唔到唔好比任何promise我

偷來的休閒

今日個胃太痛，打左比彩鳳，我真係要抖一日！
或者今晚會一齊食飯，或者我會掛住訓

vincent

計計下，我地都認識左好耐喇！耐都我都唔記得左喇（其實我真係唔記得，淨係知好耐）！哈哈！
我記得果時岩岩識你，你就講左好大既大話比我知，不過後尾我都知返個真相，諗返起我都覺得幾搞笑，我有時白痴諗返起都覺得好好笑，你好低b呀！你都可以話係一個睇住我大既人，我記得我果時f.2，你好似讀緊ｕ喇！真係估唔到同你差咁遠都可以做朋友做咁耐，可能你夠低b?！
我會衷心祝福你呢個好朋友！

點解我會無啦啦講呢d野？因為我見到小善同我講既野，之後就諗起我識佢都係因為你，哈哈，即係話同你無咩關係架咋，呵呵呵！

其實我記得你有一次同我講，話覺得我比之前變左好多，變得唔開心左，應該話，鐘意將唔開心收埋響心．比你咁話一話，我真係有諗過點解我會咁，因為你唔係第一個咁同我講！其實我都諗左好多個原因架！可能，響我最唔開心，我果排將所有野放晒響心，日日去醫院，去完已經好夜，細佬唔生性，搞到我日日返黎都好辛苦.....仲有我亞媽，佢擔心係應該，但係其實佢響我眼中，發生事既時候只係識好慌亂，好似.......唉，我都唔知點講，我淨係覺得，永遠可以幫到我既，就只有自己！我都好想做返以前咩都可以講晒出黎，搵人聽下自己講野都會開心返果一個”我”，唔知佢依家響邊？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

對唔住，要你地擔心！
我好快會無事！

我唔開心呀

你地有無人知?
有無人問?

你咪由我囉

我開心飲少少酒唔會死架

永別

我真係好嬲:(
點解無啦啦要咁?

晚會

好搞笑，我幫手派野果陣無線個記者追住我，好驚！
好彩走得快咋！
完左之後去左大牌檔食野，好開心，多謝你地！
佢地又係咁狂飲酒，我就飲女兒紅，哈哈
學左好多韓文呀！

愈忙愈開心

原來我好enjoy”忙”
至少我會忘記不快樂

或者.....

收到一個sms，突然失去的感覺又再次來臨.....





不知所惜
放過我啦好唔好?
最憎人不負責任

不過,我知道點做喇.再見

地道韓菜

今日我訓醒彩鳳就話佢地叫我地入去食飯，佢地煮飯比我地食。
一去到,見到佢地已經整緊野食，好香呀！我地一路等一路睇返之前既新聞片段，見到好多搞笑既野，見到亞金，見到......哈哈，好彩佢地依家無事，亞金完全係怒漢黎。見到好多當時無用心睇既野，好多警方既片段，睇到我忍唔住笑。
另一樣係韓國既米真係好好食，係佢地其中一個種架，我咁少食飯都食左兩碗！好好味呀！
食完我地幫mona慶祝生日，睇返之前朴仁煥整比我地既片，又睇到亞金開會時嬲到掟野（對住領事館既代表），估唔到果時我喊佢又會跟住喊......哈哈
好頭暈，飲左酒，又係果ｄ真係好似酒精既酒....
趕車返屋企.....

貼住少少先，仲有好多片／相，要睇既可以問我拎
累死喇，聽日要返早，訓先