有必要嗎

我唔知你會唔會睇到我對你既回應
我只係好想話你知,你好傻...我....哈哈...我真係唔知可以點講..
但係..我唔想見到你咁...
上一代帶比你既傷害好,我明...但係有必要繼續將自己困返響個死角到咩?


我可以話比你知,我真係好唔開心。
我響到諗,係咪我自己做左d乜而令到你咁絕(?)

既然你肯話比我知你自己咁私人既野,點解又要突然間咁樣?
有好處咩?對我好咩?我唔覺,我有既只係唔開心;對於你,我亦唔見得你會過得開心.

你屋企既事唔係咩值得同人周圍同人講既野,我一直都無覺得你係怕.....但係你同我講果一下,我真係覺得又驚又喜,因為我知你信我.果晚你話我知用"trade"去比喻,係一句我最唔想聽到/睇到既說話.

人既腦唔係電腦,唔係你話del就可以乜都唔記得晒,你到底明唔明?我唔係機器黎.

真係有必要咁咩?
真係有必要msn block左我?
真係有必要連個blog到del埋?
真係有必要行到呢一步?

唔好話我個腦,即使係電腦都會有history,你到底明唔明?
點解要咁怕我去介入你既生活?有咩要怕?
你應承左我同我去海洋公園,你仲會唔會黎?

點解唔比個機會自己行出果步先?


其實,我睇完只係想話你知,我好心痛.
take care.



你同我都唔係我想像中咁強
我淨係知,我真係好想話你知我自己身邊既所有人,所有事...



你明唔明?



無論點,我都會等你答我.
我唔知你會唔會睇,但係,我話過我個blog淨係比左2,3個人
我有心寫晒我自己既野上黎好大原因因為你