”你唔愛我啦！”

今晚打比家駿，講左幾句野我就已經覺得佢已經唔再愛我。一段關係，最怕見到既就係單方面既痴戀，好嘔心！或者呢個唔係呢一刻開始既情感，根本自從我地分開左之後就一直存在既問題，而我選擇左最蠢既方法－－逃避。頭先響車到真係有少少想喊，但係我可以忍到，係咪代表我比以前已經無咁在意佢，掛住佢？　　　　依家都好左好多喇，可能真係代表我地之間真係再無任何關係，連朋友都唔係，哈哈，我會無事既！今日同"家俊"〔我其中一個朋友〕去完長洲玩之後我地去左行c!tysuper，竟然比我見到佢好耐之前響日本買比我果枝野飲，我忍唔到手買左，但係一飲……發現味道已經唔同左。都岩既，就算比我夾硬搵返又點，唔同左就係唔同左。永遠返唔到果一刻……