其實....你有幾了解我呀?

其實....我唔鐘意人地回我回得慢
其實....我好憎人無交帶
其實....我怕人地對我忽冷忽熱
其實....我自己不嬲性格好差
其實....我.....................


其實....你點解要睇住我?





其實....我都唔知知自己想點.........

相

they"re back!

一直延至今晚(27/2)農民終於都返黎喇！希望佢地今次返黎會係一個終結。
原來都唔知佢地係今日返到香港，響我今朝訓到死下死下既時候，彩鳳打比我，佢話我知佢地今晚會到，諗左一陣，決定左去接佢地。
我好早就到左喇，大約9點到，去到查下佢地坐邊架機，去埋toilet出黎就見到kimmie佢地，好好笑，ryan一見到我就撲左埋黎叫姐姐。同佢係咁玩，我真係唔認老唔得，小朋友既精力真係無窮無盡！同佢再玩多陣真係人都癲，哈哈，不過佢就真係好得意！佢地都未到simon就係咁響到喊，做小朋友真係好......等到差唔多11點，佢地就到喇！
佢地出到黎，我都就握手同hug，種感覺好好，好似久別重逢咁。（的而且確係呀！）一路行去搭車一路同李榮勳傾計，都唔可以話係傾計，只係我地又開始指手畫腳，我知道佢收到我post比佢既相，哈哈。好掛住佢地呀！
佢地就一車去烏溪沙，佢地全部都跟埋車去，不過我就要返屋企喇，走時李榮勳比左盒野比我，係佢地響果邊買既朱古力！好開心呀！我唔捨得食！

返到美孚，買左野食就坐的士返屋企喇！係炒蜆同蠔仔粥，家姐鐘意食呀，哈哈！

由呢一刻開始....

send左個email去我地以前一齊開既mailbox...
我投降



我好肯定你已經無睇呢個mail box好耐，係既，都過左咁耐，你有你生活，我有我生活．我認輸喇！原本我諗住所有野只要我有心從頭黎過，我地就可以由頭開始，我好想，好努力咁去做好多野去修補我地段關係．好可惜，一隻手掌真係拍唔響，我放棄喇！
　　響你生日果日，我真係做左好多野，我諗住可以響果一晚比到ｄ野你，我整左個ｃａｋｅ比，織左條ｓｃａｒｆ比你，做左好多好多野，連生日ｃａｒｄ，都準備好晒，好遺憾地我果日打比你，竟然無人聽電話，搵左你成晚.....我真係好無能為力喇！到最尾，我掉晒ｄ野，我真係好唔開心，我地都認識左４,5年喇，點解你可以咁對我？係咪我真係差成咁？
　　我搵你，一係就唔聽電話，一係就好冷淡，既然我要做既都做晒，我真係唔想再係咁，日日留響個回憶入面我真係好辛苦，對唔住！

最後，祝你以後可以開開心心！

又狂風雷暴

呀，一到呢D日子，我就會好驚。
由細到大，我都好好好驚行雷閃電，唔好話我白痴，我真係會驚到喊。
同時，我都會諗好多野，一年前呢D日子我做緊咩，兩年前我又做緊咩.......

變化

一方面期待變化後的快樂；另一方面要忍受變化中的愧疚。

曾經用過漩渦去比喻我對我地呢一段過去式，有人想將我拉出去既時候，成功在望時，我就會因為忍受唔到內疚而主動放手，又跌返落去。不過，我深信：「時間會殺死一切」。

我好明白呢個時間我自己最重要係做咩，求下你，唔好再比我諗起你。我要尃心讀書！

貼舊相

我發誓！

我唔會再愛你！
我會忘記你！

沉迷greenday

你地有無試過一日不停聽住同一隻碟？自從買左greenday隻碟返黎之後一日唔聽過我都會覺得唔知點咁！我依家就係咁喇！原來真係唔係人人受到bandsound，一開台轉播佢地隻碟，一路睇住人走，但係真係好好聽，哈哈哈！

Life is like a box of choloate, you never know what you are going to get

貞子上身

omg!!

兩個裝到大笨象既眼袋

尋晚既後遺症。

自從上次後我都未試過喊成咁，收唔到聲，你話過唔會再咁對我架！今日因為喊到咁既樣，我都唔敢出去喇，好乖咁留左響屋企。其實都唔係話無出既，我都去左買早餐食，好暈，我發現我真係唔可以太激動，好似今日咁，我天光先訓，到左9點就起左身喇。一路都訓得唔好，不死鬼又話我知佢頭痛，做咩個個都唔妥架？

我真係好著緊我既朋友，你地千其唔好有事，仲有，唔好以為對我態度唔好我就唔會關心你，我依然會係咁。尋晚講過既野我會記住！

好難受

今晚本懷著興奮的心情歸家


現在，我哭了，你真的忘了嗎？

車路士 VS 巴塞隆拿

報告：0:0

一張RED CARD

宣洩渠道

可能係積壓得太耐，我一直都搵緊一個可以比爆發晒既方法。今日想喊左成日，我諗有時候可能發下惡夢都不失為一個好方法，放學返屋企一路聽住mad world，一路心思思好想返黎睇donnie darko，點知我部死人電腦竟然睇唔到，呀，真係一下子打沉左我！

之後開左果o的借左返黎，但一直無時間，又或者係無心情睇既片黎睇，睇左一套叫「天地孩兒」既福音戲，唔知係佢套野開頭感人定係我真係好想爆，睇睇下響到喊，家姐問我睇緊咩戲，我話佢知，點知換來既係恥笑。岩既，我都覺得佢笑得好岩！

um，睇到後面呢，套野就開始黎料，忍唔住飛黎睇，點知飛飛下呢.....佢就完左囉！

呢排見到好多自己好唔鐘意，覺得好嘔心既野，我真係好想打出黎，你可能話叫做講人”?話”。本身都唔係話咩問題既，只係我真係有心遠離你，我真係真係好唔想你睇我日記。又可能，你本身都掛住做其他我好憎既野，忙到唔得閒睇，who knows？好對唔住，我真係無心機再去擔心係呢位朋友！



其實我識既人都幾可笑：有人佈陣捉老鼠；有人以為我討厭佢，唔想同佢講野；又有人比我block左都唔知.......某程度上，我真係好怕睇到人既”另一面”。但係，我唔甘心無知，所以我邊發現邊感喟。依家既煩惱，相比起我既前路真係微不足道，我懶得去諗嚕。

唔知咩事，呢排隻眼好痛！用左支眼藥水都好似無咩用，好似自從上次用完con就開始痛喇，有時睇到報紙話會引起發炎，自己睇完個心都有點兒慌。

尋晚收到2r相喇！有家駿響入面，我將佢收左響本SCHEDULE到。我連幾時晒左都唔知；與此同時，我覺得我好似無以前咁愛你.......可能時間耐左，大家都唔應該再咁執著。你返左黎香港都好多日喇，計計下，有三日。坦白講，我真係好想打比你，睇下你點，但係次次都係打完個號碼就停左手，因為我怕，我怕聽到你既回應。



原本諗住打呢篇野係想打發等睇波既時間，打打下無咩心機睇。一個人睇波，你都咪話唔悶，真係搵鬼陪我睇！

筆跡

今天的收穫

愉快

今日一旱就煮飯，好開心，不過我會用private entry打呢件事，嘻嘻！

下晝同左不死鬼去完馬會之後就同左sivots出去，好耐無見佢呀！點知佢一見我就話：呀，你比我第一次見你又肥左！　鬼咩，我都唔想架，返左去，呀，咁叫唔叫冰釋前嫌呀？好掛住sivots呀！

我地一路行一路傾，把口無停過，之後決定causeway bay睇鬼片－犀照！我地去左食野先，兩個人食左$200，都幾好食既，個waitress好好人呀！行完之後我地去左影貼紙相，嘩，我真係n年無映過，好生硬，都唔知點擺post好:o)！臨尾我地去左muji，佢話去買筆，後尾都無買到，我就買左highlight，諗住呢排開始溫書可以有用！
我地就趕返去睇喇！好驚呀！我係驚到嗌左兩次，比人笑！我都唔想架，真係好驚嘛！

呀，仲有，我地響ｍｕｊｉ見到高登人既筆跡！

我愛你

家務

洗左廚房....我諗住聽日整d小食....好累......係咁亂影相....

新消息

計劃有變

淡出

早排發脾氣無開幾日電話，有好多sms、留言我都無心機去聽去睇。
尋晚決定開返電話，一開就收到eddy既電話，佢幫我問酒店既野，太好喇呢個朋友！
之後一路呆，自從尋日比個夢整醒左後一直都好似三魂唔見左七魄，做樣樣野都好漫無目的。

直到今日訓醒，其實係比一個舊朋友既電話嘈醒，哈哈，係梁志峰呀！真係估唔到佢會打比我！雖然都無contact好耐，但係一傾起計上黎真係好開心。同佢傾左陣收左線，我個腦即刻諗返起好多野，就連我同佢係點識既我都仲好記得：　之前成日落金百利睇波，睇皇馬，果時全場得我一個女仔，因為philli又係住我附近既，所以果時睇波都見過佢幾次，佢果時成日同ryan去架！
同埋果時全部大部分都係亞叔，好少後生仔，所以我對佢都有印象。　　直到有一次佢坐左響我隔離，得佢一個，唔見左ryan，佢就同我傾計，之後又上過佢屋企睇波.....仲有比佢迫我聽佢彈bass......佢係一個都值得交既朋友，咩都同我講。

話說之前搬左屋果排我真係好唔開心，好多野無晒，就好似一樣一直響你身邊....好珍貴....好珍貴既野毀於一旦。好記得果陣成日去佢屋企聽佢彈bass....哈哈......仲有佢班朋友，我全部都識晒．頭先同佢講起都覺得好笑！唔單止佢朋友，佢父母細佬我都見過晒......哈哈

其實講講下，好掛住亞麒，philli都好耐無見佢囉！
真係諗起好多野.....多謝你呀好朋友！雖然你成日都好自以為是、好懶叻，但係我都好鐘意同你玩架！哈哈！

呀，仲有一個我淨係同你講過電話既philli朋友，好似叫bosco，上年講過你返ｈｋ會搵我，哈哈，等你呀！之前好似見過elvis，好型既elvis!!!!